انتشرت قصة الطفل آدم أيمن الألفي، الذي يبلغ من العمر 3 سنوات، والذي خرج من حضانة انترناشيونال معروفة في التجمع الأول، ليسير في الطرقات وهو مرتديًا شرابًا، وظل نائمًا أسفل سيارة لمدة ساعتين، حتى استطاعت سيدة كانت تقود سيارتها من الانتباه إليه وإعادته لأهله.

وروت دينا محمد، حقيقة عثورها على الطفل أثناء عودتها من التجمع الأول حيث صادفت الطفل في طريقها وذكرت: "أنا النهاردة كنت في التجمع الأول رايحة مشواري الصبح وأنا ماشية بالعربية لقيت ولد شكله جميل جدًا لابس حلو جدًا وماشى بشراب في الشارع ودة اللي لفت نظري في شارع كله عربيات وطريق رايح وطريق راجع".

وأضافت: "وقفت بالعربية وركنت ونزلت أنا وصحابي بتكلم مع الولد لقيتو تقريبا 3 سنين مش أكتر حاولت أكلمه عربي مفهمنيش اتكلمت إنجليش رد عليا وقالي اسمه واسم باباه ومامته".

وتابعت: "أنا ترجمت إنه فتح باب بيته ونزل من غير ما حد يشوفه، وسألته حبيبي فين البيت ابتدى يشاور وقولت أنا مش هسيبه غير في بيته شيلته ومشيت كتير على حسب ما بيشاورلي وحسيت إنه مش عارف شوفت بوابين واقفين قولت هسأل يمكن حد يعرفو كله قال معرفش".

وأردفت: "واحد فيهم قالي أنا بشوف الولد دة مامته منزلاه قدام الحضانة اللى على الشارع برة"، صدمة سيطرت عليها عقب معرفتها خروج الطفل من حضانته، حيث ذكرت: "هنا كانت الصدمة بالنسبالي الولد خرج من الحضانة من غير ما حد يشوفه ولا يلاحظ إزاي"، وأضافت أن أحد الأشخاص أكد لها أنه رأى الطفل نائم أسفل سيارة لمدة ساعتين.

اقرأ أيضًا:

سقوط عصابة لسرقة السيارات بالـ "مفتاح المصطنع" في التجمع الأول

واستطردت: "قولت للراجل وديني الحضانة روحنا بعد مشي كتير وقعدنا نخبط على الباب بتاع الفيلا اللي هيا الحضانة الانترناشيونال الكبيرة المحترمة اللي بتاخد مبلغ محترم علشان تسيب الولاد يخرجوا لوحدهم من غير حتى ما يلاحظوا ولا يكتشفو ده حتى بعد خروج الولد بساعتين".

وأشارت: "قعد الراجل يخبط وبعد حوالى 5 دقايق فتحوا وهما في منتهى البرود ومش مكتشفين أصلًا وأول مسألتهم على أدم ابتدوا ينهاروا، إزاي خرج إزاي والولد مرعوب منهم ومش عاوز يروحلهم ".

وأوضحت: "كلمت بابا الولد واستنيتوا لحد ما جه واستلم الولد وتفاصيل أكتر من كدة ومشينا".

وردًا من الحضانة على الواقعة، اعترفت إدارة الحضانة في اعتذار رسمي، بخروج الطفل بالفعل لكنها نفت استمراره خارجها طوال المدة المذكورة، مؤكدة أنها فصلت المُتسبب في هذا الإهمال، وأنها اكتشفت وجود مخرج لم تكن تعلمه يمكن للأطفال الخروج منه في غياب الحارس، مشددة على أن والد الطفل رفض تدخل الشرطة لعلمها بمستوى إدارة الحضانة

قد يهمك أيضًا:

العثور على جثة شاب مقتول داخل شقته في منطقة التجمع الأول

توقيف مرتكبي واقعة سرقة فيلا في التجمع الأول