قرّرت "عليا.أ"، 36 عامًا، بعد 4 أعوام زواج، رفع دعوى خلع على زوجها الذي طلب من زوجته الدخول في علاقة مع رجل آخر لينفق عليهما.

تحمّلت "عليا" حياة غريبة بعدما ترك زوجها العمل دون أن يبحث عن بديل لتوفير متطلبات زوجته وابنته ذات الـ3 أعوام.

تقول الزوجة الثلاثينية: "بعد ما ساب الشغل ماحاولش يدوّر على شغل تاني واعتمد عليّ إني لازم أشتغل بس ماكنتش باخد غير 500 جنيه وطبعا ماكانش مكفي متطلبات البنت".

اندهشت "عليا" من موقف زوجها الذي استمر عاما كاملا دون عمل معتمدا على أموال زوجته، وتابعت: "بقى مطلوب مني بجانب إني باشتغل أطبخ وأتابع البنت أعمل كل حاجة، وهو واقف بيتفرج عليّ مش عايز يعمل أي حاجة كأنه مصدق إنه ساب الشغل".

واستكملت الزوجة: "لما طلبت منه إنه يشيل عني الحمل شوية كان رده عليّ مش لاقي شغل يتناسب مع إمكانياتي والمرتبات ضعيفة يبقى إيه اللي يخليني أشتغل"، رد غريب لم تتخيله الزوجة من زوجها الذي كان يعمل موظفا في إحدى الهيئات الحكومية، واندهشت الزوجة من هذا الطلب مما جعلها تقرر ضرورة طلاقها من رجل افتقد كل مفاهيم الرجولة كما ذكرت، مضيفة: "في يوم لاقيته بيقول لب الـ500 جنيه اللي بتجبيهم دول مش عاملين حاجة ولا هيعملوا حاجة، فلازم يكون فيه حل تاني وقالي في راجل عجوز عنده 60 سنة وأيامه معدودة محتاج واحدة تدلعه وتشوف طلباته وهيدفعلها اللي هي عايزها".

وقعت هذه الكلمات على الزوجة الثلاثينية كالصاعقة عندما طلب منها زوجها أن تقوم بهذا الدور: "أنا مش عارفة هو إزاي طلب مني كده كنت فاكراه بيهزر بس لأسف طلع بيتكلم جد وعايزني أعيش مع راجل تاني علشان هو مش قادر يكفي بيته"، فقررت "عليا" بعدها رفع دعوى خلع على زوجها بعد رفضه تطليقها.

قد يهمك أيضاً :

سيدة تطلب الخلع بسبب رغبة زوجها في بيع ابنته لثري عربي

زوجة مصرية تطلب الخُلع مِن زوجها لإفراطه في معاشرتها