القاهرة / شيماء مكاوي
أوضح رئيس نادي "الزمالك" المستشار مرتضى منصور، أنه لن يقف في لجنة انتخابية لكي يطلب من أحد انتخاب ابنه في البرلمان كما أشيع.
وأفاد منصور: "أنا مش بعمل دعاية لابني وأنا نفسي في الانتخابات بقول اللي عايز ينتخبني ينتخبني واللي مش عايز عنه ما انتخبني".
وأضاف أثناء مداخلة هاتفية مع الإعلامية رانيا بدوي في برنامج "القاهرة اليوم"، أنه كان يطالب الناخبين عبر الصحافيين والقنوات الفضائية بالمشاركة في الانتخابات بدل الجلوس على المقاهي، وأنه كان يخاطب مصر كلها وليس الناخبين في اللجنة.
وكشف منصور أنه قام بدعم ابنه في الانتخابات البرلمانية عبر عمل دعاية من خلال نادي "الزمالك"، وهذا حقه القانوني، مضيفًا: "لو فيه إعادة تأني هبعت لأعضاء النادي دعاية تاني، الناس مش بتتكلم ليه على المرشح التاني اللي بيدفع ملايين للدعاية وهو مش لاقي يأكل أصلًا وأحمد مرتضى معندوش قناة ولا برنامج ولا دولة بتصرف عليه".
وتابع: "رجل الأعمال نجيب ساويرس، أحضر لي شنطة فلوس لدعم أحمد ورفضت أخدها وقلت له اتفضل محدش يصرف على ولادي، وابني صارف على الدعاية في حدود المسموح به".
واعترض عمرو أديب على أن دعاية أحمد مرتضى منصور أكبر من الطبيعي كما أن لمرتضى منصور خلافات مع نجيب ساويرس، فرد مرتضى منصور أن خلافه مع نجيب ساويرس هو مع المذيعين في قناته، مردفًا: "مكنتش بحب الرجالة التلاتة دول ليليان داود وريم ماجد ويسري فودة".