شن الإعلامي محمد شردي، هجومًا حادًا على وزير الآثار ممدوح الدماطي، بعد أن رفض الظهور معه خلال حلقة اليوم من برنامج "90 دقيقة"، على قناة "المحور"، بحجة أن البرنامج يهاجمه دائما، قائلًا: "هو حضرتك عاوزني أطبلك؟".

وأضاف شردي: "هو حضرتك يا معالي الوزير عايزني أطلع اتحزم وأمسك لك طبلة ورق وصاجات علشان تيجي معايا في البرنامج؟ طيب بناقص أنا مش عايزك معايا في البرنامج، متجيش ومش هناخد منك أي كلام تاني".

وتابع شردي: "أنا عايز بقى أعرف أخبار دقن توت عنخ آمون إيه بجد، وأخبار الآثار اللي بتتسرق كل يوم والتاني إيه، وأخبار أفلام الجنس اللي بتتعمل عند الهرم إيه"، وأضاف ساخرًا: "إنت فين من الكلام ده؟ ولا دي مقصودة علشان تصحوا أبو الهول؟".

وواصل شردي: "يا وزير الآثار لما ترفض تطلع في الإعلام علشان حد بيهاجمك يبقى رئيس الوزراء اختارك غلط، وأنت قاعد في مكان غلط، وعلى فكرة لما تغلط مش هاسيبك".