انتقد الإعلامي عمرو أديب، أمس الأحد، الاتجاه بعدم إذاعة جلسات البرلمان على الهواء، قائلًا: "وكأننا رجعنا لأيام أنس الفقي، في عهد الإخوان كان في قناة اسمها (الشعب) بتذيع الجلسات مباشر، الإخوان معملوش كده، أنا عايز أعرف إنتوا مش عايزين الناس تشوف ليه، إنتوا خايفين من إيه".
 
وأضاف أديب، خلال برنامجه "القاهرة اليوم"، عبر قناة "اليوم"، "إحنا عايزين الناس تتعلم ديمقراطية، هو إحنا ليه في كل حاجة بنرجع لورا، ليه السيارة ترجع إلى الخلف، طيب ما بلاش برلمان بقى، ما تيجوا نعمل قعدة، ولا نرجع لأيام الاتحاد الاشتراكي، ليه مش عايزني نسمعكم وانتوا بتتكلموا، إنتوا المفروض برلمان الشفافية والمكاشفة، إنتوا ناوين تعملوا إيه جوه".