استنكر الإعلامي عمرو أديب، واقعة حرق عدد من البلطجية لملهى ليلي في العجوزة، والذي أسفر عن مقتل 16 شخصًا، قائلًا: "الـ 16 واحد اللي ماتوا دول غلابة، مالقوش غير الخمارة علشان ياكلوا فيها عيش، والأشخاص اللي حرقوها لا يختلفون كثيرا عن داعش، وأكيد دول كانوا مبلبعين وشاربين".
 
وأضاف أديب، خلال برنامجه "القاهرة اليوم"، على قناة "اليوم"، "بصراحة  وعلى بلاطة، إحنا عمرنا ما سمعنا في مصر أن المخدرات شاحة في السوق، وكل الطبقات في مصر بيبقى معاها بانجو أو حشيش، والحشيش بقى عامل زي الجبنة البيضاء بتشتريها بسهولة جدًا"، مشددًا على ضرورة مواجهة تلك الأمور ومحاربتها أكثر من التطرف.