أكد الإعلامي جابر القرموطي، أمس الأربعاء، إن الإعلامي باسم يوسف، وصل إلى مرحلة العالمية، ورغم ذلك يمنع من الظهور إعلاميًا في مصر، مستكملًا: "راجل دكتور جراحة قلب، دلوقتي بقى يصنف عالميًا في مجال الإعلام، ده نصيب وحكمة ربنا، في حين إننا منعينه من الظهور، مع إن الراجل لم يخرج عن قماشة الدولة المصرية".

وأضاف القرموطي، خلال برنامج "برلمان 2015"،عبر فضائية "أون تي في"، "إيه المشكلة إنه ينتقد النظام، أو إجراء يتخذه، الراجل ده أسس لنوع إعلام جديد في المنطقة، حاليًا في 3 برامج في 3 قنوات إقليمية تقدم نفس فكرة باسم يوسف، وعندنا برنامج في مصر هنا نفس الفكرة، عدم وجود باسم في برنامجه مؤثر، طيب ليه إحنا منحطش ده في اعتبارنا، ومفيش حاجة اسمها إن واحد يخرج من مصر وميرجعش تاني لمجرد إنه بينتقد بعض الأمور في البلاد".