تناول الإعلامي أحمد موسى، أمس الأحد، الأزمة القائمة بين الحكومة ومجلس النواب، بعد إصدار المستشار مجدي العجاتي، مدير الشئون القانونية والمجالس النيابة، قرارًا بانتداب المستشار أحمد سعد، أمينًا عامًا لمجلس النواب، خلفًا للواء خالد الصدر، الذي قدّم استقالته مؤخرًا؛ قائلًا: "ليه من دلوقتي صدام، هي البلد محتاجة يعني، هي الحكومة عايزة تعمل مشكلة ليه، طيب ما البرلمان هينعقد بعد إسبوعين ومن حقه يقيل الراجل اللي إنتوا عينتوه".

وأضاف موسى، خلال برنامجه "على مسئولتي"، عبر فضائية "صدى البلد"، "هي الناس مش شايفة مصلحة البلد ليه، في مجلس تم انتخابه يبقى هو أولى بشأنه تمامًا، الصدام بدأ مبكرًا بين الحكومة ومجلس النواب، خلينا فاكرين إن المجلس ده هو اللي هيراقب الحكومة يا جماعة، وإحنا منتخبين الناس دي عشان كده، مش عشان يطبلوا للحكومة، قسمًا بالله أنا شخصيًا هتابع أداء كل نائب في البرلمان، واللي هلاقيه مش شغال للشعب لأطلع كل الأوراق والمستندات اللي تدينه".