أعلنت الفنانة هالة صدقي، عن غضبها من الأحداث المتطرّفة التي وقعت في طنطا والإسكندرية، ونشرت مجموعة من المنشورات على "الفيسبوك"، عبر فيديوات يقوم أصحابها بالتحريض على قتل المسيحيين والأقباط و استباحة قتلهم، من بيتهم فيديو لياسر البرهامي، قال فيه إن "إخواننا النصارى الكفار هم عبيد وليس لهم حق الاختيار وهذا هو مصيرهم"، وفيديو آخر لقيادي سلفي يقول إنّه "بجوز ذبح المسيحيين وكل مؤيدي السيسي"، وفيديو ثالث للإمام الشيخ محمد متولي الشعراوي وهو يحرّم تهنئة الأقباط في عيدهم.

واحتدّ الكثير من المعلّقين على الفنانة صدقي، بعد نشر فيديو الشيخ الشعراوي، وقالوا إن الشيخ الشعراوي بريء تمامًا مما نسبته إليه خاصة إن الفيديو المرفق معه لا يقول به الشيخ الشعراوي، هذا حيث كان أكثر تسامحًا وبعيد تمامًا عن التشدّد والإرهاب والعنف واتهموها بأنها تشيع الفتنة بين المسلمين والمسحيين، ومعلنين إن الشيخ الشعراوي "خط أحمر" ، حيث علّق أحدهم "مساء الخير بالفنانة العظيمة هالة مقّدر تمامًا ما حدث ربنا يعزيكم وأعلم تمامًا مدى وطنيتك وإخلاصك لبلدك وإحنا أصحاب من زمن بس الشيخ الشعراوي من أكثر الناس احترامًا وكل بني آدم خطاء وخير الخطائين التوابين"، وقال آخر إنّ "الفيديو ما فيهوش أي شيء من اللي أنت بتقوله هو بيدعوا إلى التعايش مع أصحاب الأديان الأخرى بلاش تسخين الشيخ الشعراوي أكبر من كدة" .

وأفادت إحدى صديقاتها، إنّ "الوضع محتاج تهدئة مش تسخين المجتمع على بعضه استهدي بالله، وعيب المواقف تحصل منك أنتي مثال محترم" للأخلاق بلاش الحاجات دي، سيبيها للتافهين اللي ميعرفوش يعني إيه مصر"، وردّت عليها هالة قائلة إنّه "لا الوضع إننا نواجه الناس اللي بتكرهنا مش نعمل زي النعام ونحط راسنا في التراب ونقول كل شيء تمام، لو ابنك أو أمك أو أخوكي حصله كدة وهو بصلي مش هتقوله كدة تخيلي لو للاحظه أنه ده حصل لحد غزيز عليكي أكيد مش هتقولي كدة"، وقامت بعدها بكتابة منشور خاص، معلّقة أنّه "ممكن يكون أبوك أو أمك أو بنتك هتتحمل تشوفهم كده؟ مطلوب وقفة شعبية للمصريين ضد تجار الدين ضد الإرهابيين، مش هنطلع في البرامج نقول إحنا أخوات وبنحب بعض وكله تمام وكلنا بنموت مسيحي ومسلم، هما مش بيفرقوا وفي نظره الضابط أو العسكري الغلبان اللي واقف بيحمي الكنيسة برضه كافر

احموا الدين الإسلامي من تشويهه، اقضوا على تجار الدين اللي كل شوية يطلعوا بفتاوى ملهاش علاقة بالإسلام، الضربة النهاردة أخدت مسلم ومسيحي، احموا الدين الإسلامي واعملوا وقفة واحنا معاكم يمكن فاشل منهم ضميره يصحى ونرجعه، فكروا نعمل إيه لمجتمعنا علشان ننقذه، ضربة النهاردة اللي اتضرب فيها مش المسيحين اللي ماتوا ،لا اللي اتضرب الدين الإسلامي وسمعة المسلمين بالخارج، أرجوكم احموا دينكم من تجار الدين ومن سرقة شبابنا وغسيل مخه بأفكار بعيدة عن الإسلام، احموا دينكم لما هاجر المسيحيين من سيناء ابتدأوا يذبحوا في المسلمين، كلنا في مركب واحدة لازم نتحرك علشان مش عارفين الدور على مين، احموا دينكم من تجار الدين"