قال الإعلامي محمود سعد، أمس الأربعاء، إن الرئيس عبد الفتاح السيسي ملتزم بأن يكفل الحرية للمواطنين، مضيفًا: "الإنسان بفطرته حر، ربنا خلقنا أحرار في الاختيار والاعتقاد، ولكن في حدود الالتزام بالقوانين المجتمعية".   وتابع سعد، خلال برنامجه "آخر النهار"، عبر فضائية "النهار"، "الناس اللي بتقول إن مش مهم حقوق الإنسان في هذا الوقت فلن ننكر عليهم ذلك، وبالنسبة للحرية إرموها في الزبالة مش مهم، ولكن لما تلاقي رئيسك في حواره مع شبكة (سي إن إن) بيتكلم عن الحريات، لازم تعرف إنه بيقول كده عشان ده حقك في الحرية وهو ملتزم بها".   واستكمل: "إحنا مش هنعمل كل اللي نفسنا فيه إلا لما نتعلم، ويبقى في عدالة وحرية، حينها سيصبح المجتمع زي الفل، إذا لم تكن هناك محاولة حقيقية متقنة لبناء الإنسان المصري بشكل معاصر وحديث قائمة على الحرية، مش هنوصل لحاجة، وإذا نجحنا في صنع ذلك سنكفل لأجيالنا القادمة حياة أفضل".