باعة رمسيس الجائلين يدفعون 350 ألف جنيه للبقاء في أماكن عملهم

كشف نقيب الباعة الجائلين بمنطقة غرب القاهرة محمد عبد الله، إن مجموع ما دفعوه للبقاء في منطقة رمسيس يتعدى الـ350 ألف جنيهًا.

وأوضح: «المشكلة عندنا في رمسيس بدأت من 2012، كان اتعملت نقابة للباعة الجائلين ممثلة في أحمد حسين، وأصلًا إحنا كبياعين منعرفش إيه هي النقابات، فجت نقابة ممثلة، فإحنا فرحنا بالنسبة لنا، وقولنا كويس إن فيه ناس بتوصل صوتنا».

وتابع: «بعد شوية جه النائب اللي هو محمد أيمن عن منطقة غرب القاهرة، وعملوا اجتماعات هنا في الميدان وقرروا يدونا موافقة بـ6 أماكن، الـ6 أماكن بدأت بـ88 نموذج حضاري عند عمارة رمسيس، وأربع أماكن ثانية اللي هي المثلثة اللي إحنا فيها دي بتاعة الطب الشرعي، ومنطقة الشرطة العسكرية، وأسفل كوبري أكتوبر، وأعلى منطقة السبتية».

واستطرد: «دول الـ6 أماكن، واتفق عليهم إن احنا نعمل نموذج حضاري دفعنا فيه 2650، كل بياع دفع لنموذج 2650، يعني إجمالي ما دفعناه للبنك يتعدي 350 ألف جنيه، طيب احنا عيزين نعرف دلوقتي، هو وقف عمل النماذج ليه والموافقات ليه؟».