المتهم بتخدير واغتصاب هند شجيع ينفي معرفته بها

رد يحيى محمد، الشاب الذي اتهمته الفتاة التي تدعى هند شجيع، بتخديرها واغتصابها، على كل تلك الاتهامات التي وجهتها له. وقال "يحيى"، في منشور له عبر حسابه على موقع التواصل الاجتماعي"فيسبوك": "البنت دى أنا معرفهاش على المستوى الشخصى.. وماقبلتهاش غير مرة واحدة وآخر مرة شوفتها من نحو 3 أشهر.. بناء على طلب منها علشان أساعدها في إنقاذ كلب ومساعدة في الجمعية الخيرية للكلاب إلى هي بتتدعي إنها بتاعتها".

وتابع: "بعدها أنا رفضت أساعدها لأنى حسيت أن الفلوس إللي كانت بتاخدها للكلاب ماكنتش بتروح ليهم وكانت بتستغل موضوع الكلاب دا لأغراضها الشخصية ومش بس كدا.. لقيتها بتتكلم عن كذا شخص أنا أعرفهم شخصيا وبتتهمهم بالسرقة والنصب وبتقول كلام مش كويس عليهم زي أختى الكبيرة وأعرفها من زمان جدًا... فأول لما عرفت إنها بتستغل الناس، رفضت مساعدتها وبعدت عنها".

وأضاف يحيى: "اللى حصل دا تلفيق واضح وصريح واللي يعرفنى شخصيًا عارف أنا مين وعارف سمعتي كويس جدًا... أنا معرفش أيه الدافع اللى ممكن يخليها تقول الكلام دا.. واظن إلى ميعرفنيش ممكن يبص على البروفايل بتاعى وبتاعها وهاتعرفوا هيا مين وحايتها عاملة إزاى".

واستطرد حديثه قائلاً: "اللي شاف الفيديو أكيد هيلاحظ تناقض تام ما بين كلامها وواضح جدا أنها بتمثل لو هي عندها شهود أو أي دليل على اللي حصل .. يا ريت توريه للناس وتثبت كلامها وتقول الكلام دا أصلا حصل إمتى وفين وإزاي، مفيش بنت ممكن يحصل معاها موقف زى دا وتلجأ للسوشيال ميديا بدل ما تروح تعمل محضر تتهمني فيه وتاخد إجراء قانوني دي قضية كبيرة ومفيش تهاون يعني".

واختتم: "أنا إللي حصل ده مش هعديه بسهولة.. وأنا وكلت محامي علشان ياخد إجراء قانوني ضدها باتهامي بالباطل والتشهير بيا وبسمعتي، ولو هي عندها أي إثبات على إلى حصل دا ياريت تطلعه قدام الناس وخليها تروح الطب الشرعى وتثبت كلامها دا، أنا على استعداد تام إني أقعد مع أي حد وأقعد قدامها شخصيا وأواجهها وجهًا لوجه وخاليها تقول الكلام دا كله قدامي.. وياريت محدش يتكلم ويبلبل على الفاضي من غير ما يعرف تفاصيل أو أي حاجة .. بلاش تطبلوا لأي حد".

كانت هند شجيع، اتهمت صديق لها يدعى "يحيى" باغتصابها، وتأخرت في تحرير محضر في الشرطة؛ خوفًا من بطء الإجراءات القانونية، مضيفة أن البعض خوفوها من تصويرها بشكل غير لائق داخل الطب الشرعي. وأضافت "هند"، خلال حوارها في برنامج "العاشرة مساءً"، مع الإعلامي وائل الإبراشي، المُذاع على قناة "دريم"، أنه لا يوجد شاهد واحد على واقعة اغتصابها، لافتة إلى أن المتهم وضع لها "مخدر" في الطعام، ثم قام باغتصابها وهرب. وتابعت "هند": "حقي القانوني ضاع لأنني تأخرت في الإبلاغ، ومكنتش أعرف أن التأخير هيضيع حقي، وساعدوني أرجوكم عشان آخد حقي".