تامر أمين يهاجم تغريدة البرادعي ويصفه بشخص مغرض

انتقد الإعلامي تامر أمين، تغريدة الدكتور محمد البرادعي، النائب السابق لرئيس الجمهورية، أمس الخميس، عبر حسابه الشخصي على موقع "تويتر"، والتي قال فيها إن "إجهاض أحلام الشباب، ومواجهتهم بالقمع وإلقائهم بالسجون، يقضي على مستقبل الوطن".

وقال أمين، خلال برنامجه "من الآخر"، عبر فضائية "روتانا مصرية"، "من حيث المبدأ كلامه صحيح، خاصة إن أكثر من 50 % من أبناء الوطن شباب، أما السؤال الأهم بقى، الكلمتين دول بمناسبة إيه، عايز إيه مش فاهم، ما تخليك في المصيف اللي أنت فيه وتسيبنا في حالنا نبنى بلدنا".

وأضاف: "بقالنا شهر كل يوم بيتم إخلاء سبيل من 50 إلى 100 من الشباب المحبوسين، بتوصيات من الرئيس، يبقى إيه السر في الجملة الماسخة التي أدليت بها، أنا شايف إن مفيش مناسبة لكلام البرادعي، لكن هو اللي عايز يخلق مناسبة عشان يتكلم وبس، ومعنى كده إن هو شخص مغرض، وعايز اللي محلصش يحصل".

وتابع: "الفئران لا تخرج من جحورها إلا عندما تطمئن، الأسبوع اللي فات أما حصل مظاهرات الأمناء في الشرقية، قالك يسخنوا الدنيا، وأنا بقوله أهو: البلد مش هتولع وابرّد إنت، نفسي أعرف إنت عايز مننا إيه بعدما خلعت، ولا هو نفسي فيه وأقول إخيه".